Radju Marija organizza maratona ta’ ġbir ta’ fondi l-Erbgħa 11, il-Ħamis 12 u l- Ġimgħa 13 ta’ Ottubru 2023. Nixtiequ minn qalbna nirringrazzjaw lis-semmiegħa kollha li kkontribwew għas-somma ta’ € 54,273.65.

• L-impjegati u l-voluntiera ta’ Radju Marija ħadmu qatigħ matul din il- maratona billi wieġbu t-telefons u wasslu xandira diretta ta’ programmi ta’ appelli u talb bejn it-08:00am u l-05:00pm matul it-tlett ijiem tal-maratona.
• Matul il-jiem tal-Maratona, fil-Kappella tar-Radju kien hemm is-Sagrament Imqaddes għall-qima flimkien mar-relikwja tal-Beatu Carlo Acutis li l-festa tiegħu tiġi ċċelebrata fit-12 t’Ottubru. Bosta kienu dawk li laqgħu l-istedina ta’ Fr Antoine u offrew ħin ta’ adorazzjoni fis-skiet.
• Il-Ħamis 12 ta’ Ottubru, Fr Antoine flimkien ma’ għadd ta’ volontiera kien quddiem il-Bażilika ta’ Raħal Ġdid fejn iltaqa’ ma’ bosta semmiegħa li jgħixu fl-inħawi.
• L-artista Francelle Pace Agius ġentilment offriet għadd ta’ bċejjeċ ta’ arti sagra biex jinbiegħu waqt il-Maratona.

Għal darb’oħra GRAZZI, għeżież semmiegħa! Il-Mulej ibierek il-ġenerożità tagħkom!